REDONDELA TRANSFORMA A EXPERIENCIA DE COMPRA CON MARKETING OLFATIVO.

A Asociación de Empresas de Redondela impulsa unha iniciativa innovadora que eleva a experiencia comercial a un novo nivel. Co obxectivo de fortalecer o vínculo entre os comercios locais e a súa clientela, instalaranse dispositivos de marketing olfativo nas tendas, permitindo que os clientes se mergullen nun ambiente sensorial único.

O "Vendedor Silencioso" que potencia as emocións e incentiva o consumo

Esta estratexia, baseada no poder da memoria olfativa, busca despertar sensacións positivas e mellorar a permanencia dos consumidores nos establecementos, creando un recordo duradeiro e asociando as compras a un ambiente cálido e acolledor. Segundo diversos estudos, os aromas inflúen directamente no comportamento dos clientes, incrementando o tempo de permanencia nas tendas ata un 15,6% máis e favorecendo un incremento de ata un 25% nas vendas.

Arrecendos florais que evocan emocións e fidelizan clientes

Nesta campaña especial, que se desenvolve durante o mes de maio, os establecementos de Redondela apostan por aromas florais como lavanda, xazmín, violeta e xeranio, creando unha experiencia multisensorial que complementa a singular decoración floral das tendas. Grazas a esta técnica pouco explotada no comercio tradicional, os clientes non só perciben visualmente a beleza dos establecementos coas decoracións florais, senón que tamén se deixan levar polo encanto dos arrecendos, convertendo cada visita nunha vivencia especial e memorable.

Unha aposta pola diferenciación e a identidade do comercio local

O marketing olfativo refórzase como unha ferramenta clave para os negocios que queren destacarse nun mercado cada vez máis competitivo. Ao potenciar a identidade corporativa e establecer un aroma característico, os comercios de Redondela conseguen xerar un recordo emocional único entre os clientes, favorecendo a súa fidelización e converténdose en referencia dentro do sector comercial galego.

Con esta acción, a Asociación de Empresas de Redondela reafirma o seu compromiso coa innovación e co impulso do comercio de proximidade. Animamos a toda a clientela e visitantes a achegarse ás nosas tendas e descubrir esta experiencia inmersiva, onde os sentidos xogan un papel fundamental na creación de momentos especiais nas nosas tendas.

Esta acción de marketing, posta en marcha pola asociación e asumida integramente pola asociación para os seus asociados, conta con financiamento da Consellería de Emprego, Comercio e Emigración da Xunta de Galicia a través das liñas de apio a dinamización do Centros Comerciais Abertos de Galicia. A empresa Enamora é a encargada da instalación  e mantemento de todos os aparatos.