O PROGRAMA INTEGRADO DE EMPREGO DA ASOCIACIÓN DE EMPRESAS DE REDONDELA ESTÁ A CONVERTERSE NUN XERME DE EMPRENDEMENTO
Ven a luz as primeiras iniciativas de emprendemento no marco do Programa Integrado de Emprego da Asociación de Empresas de Redondela.
Son varias as iniciativas empresariais que xa están en marcha e que xa podemos presentar.
Claudia Lucía Domínguez, cun Ciclo Superior en Restauración e un Master en Pastelería sen Gluten liderado polo mentor en pastelería e repostería sen Gluten Juan Carlos Menéndez, chef e mestre reposteiro, Claudia ponen en marcha unha nova iniativa empresarial A ARTESA SEN GLUTEN, un novo establecemento comercial totalmente renovado ubicado no Paseo da Xunqueira, 41, baixo, 36800 Redondela, Pontevedra.
Neste obrador libre de gluten ofrece a total garantía de que todas as elaboración están exentas de gluten sen riscos de contaminacións cruzadas.
En A Artesa poderas atopar un fresco e esponxoso pan sen gluten, elaborado con ingredientes naturais e de alta calidade e un sen fin de irresistibles postres cun firme compromisoa coa saúde, ofrecendo produtos seguros, nutritivos e cheos de sabor.
E ademáis non so é sen gluten, tamén sen lactosa e sen proteína de leite e pode adaptarse a diferentes alerxias, incluso con engargos a medida.
Este novo obrador nace con gran compromiso social xa que permite que persoas con intolerancias alimentarias gocen de doces e pan sen preocupacións, ampliando a accesibilidade e garantindo unha alimentación adaptada a distintas intolerancia de forma segura.
Sara Sánchez, pon en marcha unha asesoría.
Sara, realizou un dobre grado en ADE e Dereito pola Universidade de Vigo e realizou un Master en Xestión Administrativa e acaba de por en marcha un novo proxecto empresarial: ASES ASESORES, S.C.G. que se localiza en Av. Redondela, 80, bajo, 36320 Redondela, Pontevedra co eslogan "revolucionando o mundo do emprendemento".
Sara busca marcar a diferenza cun enfoque estratéxico e personalizado, axudando á autónomos e empresas a medrar con confianza, acompañando en cada fase do emprendemento, asesorándoos e ofrecéndolles as mellores opcións de xestión existentes, apoiando o crecemento con subvencións, sempre mediante unha comunicación aberta e transparente, mesturando experiencia, innovación e empatía.
A carteira de servizos que ofrece é:
- Emprendemento
- Subvencións
- Xestión fiscal e contable
- Xestión laboral
- Seguros
- Xestoría
O programa formativo en emprendemento toma un rumbo firme, tras realizar un taller en emprendemento as usuarias do programa poderán realizar unha formación oficial en emprendemento englobada dentro do Catálogo de especialidades formativas oficiais do Servizo Publico de Emprego. O curso EMPRENDER UN NEGOCIO terá unha duración de 60 horas presencais e será impartido polo centro de formación NORFORMACIÓN, ubicado en O Porriño por ser o centro máis próximo que conta coas homologacións oportunas para impartir esta especialidade. A Asociación de Empresas de Redondela para axudar ás participantes no programa facilitará e coordinará o desprazamento dende Redondela ao Centro de formación.
Esta é a primeira das formacións en emprendemento que esperamos poidan axudar a materializar outras moitas ideas que se puxeron de manifesto no primeiro taller de emprendemento impartido esta semana na sede da Asociciación.
Un proxecto formativo pensado e adatado as necesidades detectadas e que é posible por en marcha no marco do Programa Integrado de Emprego da Asociación de Empresarios de Redondela grazas ao financiamento da Consellería de Emprego Comercio e Emigración da Xunta de Galicia.
