CAMPAÑA DE COLABORACION CON CRUZ VERMELLA
Cando o talento rompe barreiras: A Asociación de Empresarios de Redondela implícase na campaña “Contrata Sen”.
Cruz Vermella, no seu
compromiso por promover a igualdade de oportunidades no emprego, reforza en
Galicia a campaña “Contrata Sen”. A iniciativa busca eliminar barreiras de acceso
ao mercado laboral para as persoas con maiores dificultades. O obxectivo é
concienciar ao tecido empresarial e á cidadanía sobre a necesidade de eliminar
os estereotipos que aínda obstaculizan o acceso ao mercado de traballo.
A
iniciativa, impulsada polo Plan de Emprego de Cruz Vermella, busca implicar ao empresariado na eliminación de
prexuízos que aínda hoxe supoñen un freo para moitas persoas á hora de acceder
a un posto de traballo. Talento, motivación e profesionalidade son calidades
que non entenden de idade, xénero, procedencia ou experiencia previa, e esta
campaña convida as empresas a contratar sen etiquetas.
A Asociación de Empresarios de Redondela
uniuse a esta campaña durante a cal se
distribuirán materiais promocionais como manteis, que serán entregados a
empresas colaboradoras para a súa difusión entre clientes e redes.
Con esta acción, Cruz Vermella quere visibilizar que as oportunidades laborais deben
construírse desde a equidade e o respecto, deixando de lado etiquetas inxustas
que condicionan as oportunidades de moitas persoas.