MERCAR EN REDONDELA. UNHA NOVA PLATAFORMA PARA MERCAR NO COMERCIO LOCAL
A Asociación de Empresarios e Mercar en Galicia asinan un convenio de colaboración para a posta en marcha dun market place local para axudar ao comercio da localidade.
Un só click para
comprar en Redondela dende a plataforma comprar en galicia.
A Asociación de Empresarios de Redondela coordina a posta en marcha dun plan de dixitalización coa colaboración da plataforma Comprar en Galicia.
A Asociación de Empresarios de
Redondela e a plataforma COMPRAR EN GALICIA formalizan un
acordo de colaboración que facilitará a venta on line dos negocios asociados en
condicións vantaxosas.
Este acordo, que contempla tanto
recursos técnicos e económicos, fará posible que Redondela sexa pioneira deste novo proxecto colaborativo de venta
online que estará dispoñible para todo o comercio de Galicia. Trala reunión
de presentación do proxecto aos asociados, celebrada fai tan solo unha semana,
xa son máis de 40 os establecementos que están interesados en participar no
proxecto.
Dadas as características
tecnolóxicas e as amplas posibilidades de integración de inventario e catálogo de forma automática do
portal COMPRAR EN GALICIA, o proxecto está plenamente enfocado ao sector
comercial. Durante as vindeiras semanas traballarase individualmente con cada
unha das empresas que se integre no proxecto e esperamos que en pouco máis dun mes estar plenamente
operativos no mercado on-line. O proxecto contempla unha segunda fase na
que a dixitalización do comercio local dará un paso determinante para acadar un
mellor posicionamento en buscadores co
desenvolvemento de portais propios que tecerán unha rede de departamentos e
seccións de compras como un gran centro comercial coa diferencia de que estará
integrado por pequenas tendas que xeran emprego local que traballando de forma coordinada serán quen de
por no mercado on-line unha ampla e variada gama de produtos dos negocios
locais e que facilitará as compras ao consumidor local abrindo novas
posibilidades de compra global ao comercio de Redondela.
As túas compras locais agora máis fácil ca nunca dende o portal COMPRAR EN GALICIA.
