SERVIZO DE INTERMEDIACIÓN LABORAL

O servizo de intermediación laboral préstase de forma gratuíta ás empresas asociadas.

A través deste servizo facilitamos ás empresas os traballadores que mellor se adapten ás súas necesidades e requirimentos e ás persoas traballadoras permítelles acceder ás ofertas de emprego mais apropiadas para os seus perfís profesionais.

Para prestar este servizo a Asociación de Empresarios dispón dunha Bolsa de Emprego propia na que poden inscribirse os demandantes de emprego e un convenio coa Consellería de Promoción do Emprego e Igualdade a través do protocolo de adhesión ao sistema de difusión de ofertas de emprego do Servizo Público de Emprego de Galicia que permite a selección de candidatos directamente do Servizo Público de Emprego de Galicia.

Por outra banda as empresas tamén contan cun espazo no que publicar as súas ofertas.