O CONSELLEIRO DE EMPREGO, COMERCIO E EMIGRACIÓN JOSÉ GONZÁLEZ VÁZQUEZ, PRESENTA EN REDONDELA AS PRINCIPAIS LIÑAS DA XUNTA EN MATERIA E EMPREGO,FORMACIÓN E COMERCIO PARA 2026.
A Asociación de Empresas de Redondela acolleu a charla "Unha Galicia que suma Talento"
A Asociación de Empresarios de
Redondela acolleu esta mañá a charla “Unha Galicia que Suma Talento”,
impartida polo conselleiro de Emprego, Comercio e Emigración, José González
Vázquez, quen deu a coñecer as principais iniciativas que marcarán a acción
da Xunta de Galicia ao longo de 2026 nos ámbitos do emprego, a formación e o
comercio.
Galicia, primeira
comunidade en poñer en marcha un sistema oficial de microcredenciais
Durante a súa intervención, o
conselleiro destacou o novo modelo galego para formar e reter talento,
un sistema flexible e adaptado ás necesidades reais das empresas. Entre as
novidades máis relevantes, subliñou que Galicia será a primeira autonomía en
contar cun espazo oficial de microcredenciais, un mecanismo pioneiro que
permitirá certificar competencias profesionais de forma rápida, flexible e
orientada á demanda do tecido produtivo que xogan un papel clave nun modelo
de capacitación orientado ás necesidades das empresas”
Impulso á
formación e á empregabilidade
O conselleiro explicou tamén o
reforzo dos obradoiros duais, que evolucionan cara a convenios con
entidades privadas para mellorar a inserción laboral, así como a aposta pola formación
clave para persoas desempregadas. A Xunta mantén ademais o seu compromiso
de vincular formación e contratación, cun modelo de apoios económicos que poden
sumar subvencionabilidade da contratación ata 48.000 euros en apoios
entre formación, primeira experiencia profesional e contratación indefinida.
Redondela, nova
representante dos Centros Comerciais Abertos de Galicia
No ámbito do comercio, o
conselleiro puxo en valor o papel estratéxico dos Centros Comerciais Abertos
(CCA) como motor do comercio de proximidade e da dinamización urbana.
Durante o acto, o presidente da Asociación de Empresarios de Redondela anunciou
unha excelente nova para o municipio:
Redondela foi designada recentemente como representante dos CCA de Galicia
na Mesa do Comercio de Galicia, recoñecemento que consolida o seu liderado
e o traballo desenvolvido polo sector comercial local.
Un encontro
produtivo co tecido empresarial local
A sesión permitiu un diálogo
directo co tecido empresarial de Redondela, que puido coñecer de primeira man
as medidas da Xunta para 2026 en emprego, formación, emprendemento e comercio.
Entre elas destacan:
- A modernización do Servizo Público de Emprego de Galicia, incluíndo o
uso de intelixencia artificial.
- O reforzo da Estratexia Galicia Retorna e dos programas de captación
de talento exterior.
- O impulso ao comercio local mediante axudas á dixitalización,
modernización e sostibilidade, así como proxectos como Vilas Vivas,
aos Centros Comerciais Abertos e
a rede de Mercados Excelentes.
O conselleiro agradeceu a participación das empresas e o compromiso das entidades como a Asociación de Empresas de Redondela para a difusión destas medidas.
Galería
