ESTE FIN DE SEMANA A ALAMEDA DE CASTELAO DE REDONDELA ACOLLE A FEIRA ANUAL DE OPORTUNIDADES DO COMERCIO LOCAL.
A Asociación de empresarios de Redondela organiza a tradicional feira de oportunidades.
Nesta edición serán máis de 30 os
establecementos participantes. Os sectores predominantes serán os de moda,
calzados e complementos aínda que tamén haberá vehículos, plantas ou
alimentación.
A feira celebrase en horario continuado o sábado 30 en horario de
10:00-21:00h e o domingo 1 de outubro en horario de 11:00-20:00h.
Dado o importante número de establecementos que desexan participar na feira
e as limitacións de espazo da Alameda foi complicado darlle encaixe polo que se
o número de solicitudes segue crecendo para a vindeira edición será preciso
volver a reprantearse o emprazamento deste evento.
O Concello de Redondela colabora
neste evento cun importante despregamento de medios humanos para dotar ao
recinto servizos como iluminación, limpeza, coordinación do tráfico e para
mellorar e facilitar a accesibilidade a Redondela habilitará zonas de
aparcamento especial na zona de Vilavella que potenciarán o paseo por toda a
vila ata o recito feiral. A Xunta de
Galicia aportará a maior parte do financiamento necesario para a
realización deste evento de promoción do comercio local a través da subvención
aos Centros Comerciais Abertos de Galicia da que a Asociación de Empresarios de
Redondela é beneficiaria.