'ALOHA SHOPPING NIGHT 2026': UNHA NOITE DE COMPRAS, ESPECTÁCULO, MÚSICA E DESCONTOS EXCLUSIVOS
A cita celebrarase o venres 31 de xullo no Centro Comercial Aberto de Redondela, coa participación de case cincuenta comercios que abrirán ata a medianoite.
A iniciativa coincide co Festival de Artistas de Rúa, organizado polo Concello de Redondela.
A Asociación de Empresas de Redondela presentou hoxe oficialmente a Aloha
Shopping Night 2026, unha das accións de dinamización comercial máis
destacadas do ano. O vindeiro venres 31 de xullo, case medio centenar de
establecementos asociados á Asociación
de Empresas de Redondela do centro urbano ampliarán o seu horario de apertura
de xeito extraordinario ata as 00:00 horas, transformando as rúas nun
espazo festivo, lúdico e de compras especiais.
Nesta edición, a campaña inspírase na cultura Aloha, como mensaxe de
benvida á clientela. Esta temática busca reflectir os valores fundamentais do
comercio de proximidade: a calidez, a hospitalidade, a atención personalizada e
a creación de vínculos coa clientela.
Unha experiencia inmersiva:
compras, cultura e ocio familiar
A Shopping Night confluirá co Festival de Artistas de Rúa,
reforzando o carácter cultural do evento. A programación deseñouse en distintas
franxas horarias para chegar a todos os públicos: con unha oferta que vai dende
o público infantil, adolescente, mozo e adulto.
Para a ocasión, o centro urbano lucirá unha ambientación especial con
decoración nas fachadas e nos escaparates e a instalación de tendas efémeras
(pop-up stores) de comercios.
Promocións exclusivas e o
'Pasaporte Aloha Recompensa'
Os comercios participantes ofrecerán durante toda a noite descontos e
promocións especiais, avances de tempada e lotes promocionais. Ademais, como
elemento estrela da dinamización, ponse en marcha o Pasaporte Aloha
Recompensa: os clientes poderán selar o seu documento en cada compra
realizada nos establecementos adheridos para optar a vales de compra.
Como novidade, a organización distribuirá bolsas de gran
tamaño elaboradas con materiais reutilizables, pensadas para facilitar as compras
en varios establecementos ao longo da xornada, reducindo o uso de embalaxes
adicionais e contribuíndo a minimizar a pegada ambiental.
A campaña conta
cunha landing page específica no portal web da Asociación, onde se pode
consultar toda a información detallada da Aloha Shopping Night 2026, incluíndo
establecementos participantes, programación, promocións, pasaporte e accións
especiais da xornada: https://www.empresasredondela.gal/noticias/aloha-shopping-night-2026
Colaboración institucional e
apoio ao comercio local
Durante o acto de presentación, a Asociación de Empresarios destacou o alto
nivel de participación dos establecementos locais e quixo agradecer a colaboración
institucional da Xunta de Galicia e do
Concello de Redondela nos traballos de iluminación, xestión da vía
pública e apoio loxístico.
A Aloha Shopping Night 2026 consolídase así como un evento urbano de referencia no sur de Galicia, combinando compras, ocio e dinamización económica para poñer en valor o comercio de vila.ombinando compras, ocio e dinamización económica para poñer en valor o comercio de vila.