A MOCIDADE DE REDONDELA IMAXINA O FUTURO DO COMERCIO LOCAL NA FINAL DO CONCURSO TEEN ACTIVA LOCAL 2026
A creatividade da mocidade redondelá protagoniza unha final chea de ideas para modernizar e fortalecer o comercio local.
A Asociación
de Empresas de Redondela celebrou este xoves 18 de xuño a entrega dos Premios
Teen Activa Local 2026, unha iniciativa que busca impulsar a creatividade
da mocidade e achegar novas ideas para fortalecer o comercio de proximidade. O
acto tivo lugar no exterior do Multiusos da Xunqueira, onde os seis grupos
finalistas presentaron publicamente os seus proxectos ante representantes
empresariais, profesorado, familias e medios de comunicación.
O concurso,
organizado pola Asociación de Empresas de Redondel e apoiado pola Xunta de
Galicia, retou ao alumnado participante a imaxinar solucións innovadoras
para o comercio local, combinando tecnoloxía, sustentabilidade, deseño e
novas formas de relación coa clientela. A iniciativa forma parte da aposta da
Asociación por fomentar o espírito emprendedor entre a mocidade e reforzar a
conexión entre centros educativos e tecido empresarial no marco das actividades
de dinamización do Centro Comercial Aberto de Redondela
Premiados da edición 2026
Tras a
exposición dos seis proxectos finalistas, o xurado recoñeceu o talento e o
traballo, outorgando o primerio premio, todado con 500€ ao equipo os PEREGRINOS
DO COLEXIO VIGO, composto polos seguintes participantes:
- Iago Otero Rodríguez
- Iago Chorén España
- Jaime Andrés Suárez León
- Paola Blanco López
- Itzan Juncal Pequeño
- Mateo Rodríguez Valverde
Os proxectos
presentados destacaron pola súa capacidade para propoñer novas ferramentas
dixitais, melloras na experiencia de compra, accións de dinamización comercial
e ideas orientadas a reforzar a identidade do comercio de proximidade en
Redondela.
Unha xeración creativa e comprometida
Durante o
acto, a xerente da AER, Julia Alonso, subliñou “o enorme potencial
creativo da mocidade de Redondela e a importancia de escoitar as súas propostas
para construír un comercio máis moderno, atractivo e sostible”. Tamén agradeceu
a implicación dos centros educativos e do profesorado, “pezas clave para
conectar formación, innovación e realidade empresarial” e a todos os
representantes da corporación municipal.
A AER
destacou que iniciativas como Teen Activa Local permiten dar visibilidade ao
talento xuvenil, conectar xuventude co comercio local, reforzar a
colaboración entre entidades e promover unha visión positiva do comercio local
como espazo de oportunidade, innovación e futuro.
