A CAMPAÑA MÁIS COLORISTA DO ANO CHEGA AO COMERCIO DE REDONDELA: VOLVE COMERCIO NA RÚA CON DOUS DÍAS DE DESCONTOS, PROMOCIÓNS E UN ADIANTO EXCLUSIVO DAS REBAIXAS
E como novidade, dúas grandes festas infantís que encherán Redondela de cor, música e diversión familiar.
A Asociación de Empresas de
Redondela pon en marcha unha nova edición de COMERCIO NA RÚA, a campaña
de dinamización comercial máis colorista e participativa do ano, que encherá as
rúas da vila de actividade, música, cor e diversión os días 26 e 27 de xuño
de 2026. Unha iniciativa que busca impulsar as compras no comercio local
coincidindo co inicio das rebaixas e que contará cun amplo programa de
actividades infantís distribuídas por toda a zona comercial.
A campaña está organizada pola Asociación
de Empresas de Redondela, co financiamento da Xunta de Galicia e a colaboración
do Concello de Redondela.
Como gran novidade esta edición ven acompañada de
Grandes Festas Infantís e o venres 26 coa primeira edición da FEIRA DA SAÚDE.
O horario comercial especial
destas dúas xornadas será de 10:00-14:00h e de 17:00-21:00h, e no que
participarán case medio centenar de establecementos.
VENRES 26 DE
XUÑO ·
Durante toda a xornada
celebrarase na Alameda de Castelao a Feira
da saúde, con numerosas propostas divulgativas e demostracións para
aprender a coidarnos e mellorar os nosos hábitos de vida, e pola tarde, as rúas
comerciais acollerán actividades para público familiar.
O día pechará cunha das citas máis esperadas
polos máis pequenos: a Gran Festa Holi, con polvos de cores e animación
musical a partir da 19:300h.
SÁBADO 27 DE
XUÑO ·
A partir das17:00 haberá xogos e
actividades en diferentes puntos da zona comercial converteranse en espazos de
xogo e creatividade:
- Pintacaras
- Obradoiro de globos de cores
- Pintura no chan
- Xogos tradicionais
- Photocall da campaña
A xornada culminará a partir das 19:30h cunha espectacular Festa
da Espuma, con canón profesional, música, zona segura delimitada.
UNHA CAMPAÑA
QUE ENCHE REDONDELA DE VIDA, COR E COMERCIO
Comercio na Rúa consolídase
como unha das accións de dinamización máis recoñecidas da Asociación de
Empresas de Redondela, un formato que combina actividade vendas con ofertas,
promocións e este ano co inicio adiantado das rebaixas comercio de proximidade.
A entidade anima á veciñanza a estrear
as rebaixas no comercio local, desfrutar das actividades e apoiar aos
establecementos que manteñen viva a economía da vila.